Unha subcontrata de Naturgy detona con explosivos o sector sureste do monte costeiro de 380 metros de altura que lle dá o nome ao
macizo e talla centenares de árbores nunha zona de piñeiral de alto
valor ecolóxico na área de instalación dun dos aeroxeradores el proyecto.
 |
| Vista actual da zona dende o Penedo das Tres Marías (Monte Gontón) |
 |
| Vista inicial da zona dende o Penedo das Tres Marías (Monte Gontón) |
Aínda que a loita ecoloxista e as xestións levadas a cabo nos últimos
anos en maior ou menor medida e a distintos niveis por parte de
asociacións como Salvemos Cabana, Sociedade Galega de Historia Natural (SGHN), ADEGA, Petón do Lobo, Arco Iris -entre outras- ou partidos políticos como En Marea ou Equo deron os seus froitos ao conseguir a conservación da área do Pico de Sinde
como primeiro cume desta serra costeira, a triste realidade é o resto
deste singular espazo natural ten os días contados dado que as partes do
macizo afectadas polo parque eólico modificáronse de maneira
significativa e a restitución ao seu estado orixinal resulta
sinxelamente imposible.
 |
| A loita ecoloxista conseguiu salvar do proxecto eólico o Pico de Sinde e a súa área arqueolóxica |
Ante o desastre sementado na Serra do Gontón,
permitido e impulsado desde o actual Executivo autonómico do PP logo de emitir unha Declaración de Impacto Ambiental (DIA) favorable, cabe
preguntarse para qué serve unha Consellería de Medio Ambiente que se mostra incapaz de protexer de maneira efectiva a natureza e a
integridade do territorio e se este é o modelo que defende para Galicia
o actual presidente da Xunta Alberto Núñez Feijóo, no que lugares
de alto valor paisaxístico transfórmanse por imposición en solo industrial utilizando a declaración de utilidade
pública e as expropiacións forzosas a beneficio dos grandes intereses empresariais.
 |
| Estado orixinal do piñeiral no cume do Monte Gontón |
 |
| Estado actual da zona dende o extremo do monte público |
A URXENCIA DE DERROGAR A LEI 5/2017
Doutra banda, mentres siga activa a Lei 5/2017, de fomento da
implantación de iniciativas empresariais en Galicia imposta polo rodete
parlamentario do Partido Popular, e que na práctica impide que prospere
calquera tipo de recurso legal, o parque eólico Mouriños
será só o primeiro de moitos, dado que esta norma simplifica e acelera ao
máximo os procedementos, contemplando a tramitación conxunta de
diversas fases como a autorización administrativa previa, a de
construción e o proxecto sectorial mentres o proceso de información
pública pasa a ser meramente testemuñal, o que recorta os dereitos das
poboacións afectadas e impide avaliar correctamente calquera tipo de
proxecto industrial que pretenda instalarse no territorio.
De feito, no ámbito do sector eólico esta lei de implantación
empresarial non contribuirá a fomentar un sector eólico máis eficiente e
sustentable, senón unicamente a maximizar as contas de resultados das
multinacionais da enerxía, nun contexto no que a cidadanía paga cada vez
máis cara a electricidade a nivel doméstico, cuxa factura,
segundo o último estudo da organización de consumidores Facua, aumentou un 77,5%
no últimos quince anos.
(31.3.2019)
