Galicia estase vendo sometida a un proceso de intensificación eólica sen precedentes, que resulta demoledor para o medio rural e os habitantes. O actual modelo de implantación da enerxía eólica en Galicia segue tendo como referencia principal un marco normativo e institucional desfasado, de finais dos anos 90, que favorece ao grande oligopolio enerxético fronte os dereitos das comunidades locais afectadas e o interese colectivo. Unha normativa reforzada desde 2017 pola Lei galega de fomento da implantación de iniciativas empresariais (“Lei de Depredación”) que permite axilizar a tramitación e posta en marcha dos novos proxectos eólicos restrinxindo a participación pública e outorgándolle ás empresas dereitos de usurpación das terras. A inenarrable desfeita ambiental provocada en Cabana polo parque eólico Mouriños recorda que outro modelo de desenvolvemento eólico é posible / Foto: Asociación Salvemos Cabana Malia a superarmos os 100 concellos con parques eólicos, ter máis de 4000 ae
A Asociación Salvemos Cabana lanza o proxecto "Costa da Morte. Terra de vida" co obxectivo de investigar e dar a coñecer as especies animais e vexetais máis representativas do segmento noroeste do litoral galego. Bolboreta cola de anduriña (Papilio machaon) en Cabana de Bergantiños (Foto: Asociación Salvemos Cabana) O catálogo, que se realizará mediante un sistema de fichas estandarizado e de maneira colaborativa, busca destacar as características máis relevantes das diferentes especies, así como aproximar ao público a importancia da súa conservación e incidir na necesidade da correcta xestión dos espazos naturais, estén ou non amparados baixo unha figura de protección. O proxecto, ademáis, contempla un sistema de alertas sobre especies exóticas e invasoras polo risco que estas supoñen para os hábitats como ameaza para a supervivencia da biodiversidade nativa. SÓ SE PODE PROTEXER O QUE SE COÑECE Aínda que nos últimos anos houbo un incremento notable na sensibilidade